Дела и недела
Дали си ангел или ѓавол?
Дали си Богот од кого чекам поткрепа?
Како да знам кога молчиш?
Како да знам, кога тој што не си ти, се претставува во твое име?
Toj го има твојот лик, твоите зборови ги зборува,
со очите толку заводливо ја покажува душата што ја нема.
Како да знам кога со туѓа уста лажеш,
ме купуваш и ме продаваш како да сум за добивка?
И денот... и ноќта ми ги ветуваш...
И ме држиш за рака кога ме водиш по темните, блескави патишта.
Дали праќаш луѓе да ме влечат за ракав, за нос и да ми бараат пари?
Дали слушаш кога ти викаат, и тивко, и гласно?
И во мислите кога ти бараат: Дај ми! Дај ми!
Дај ми среќа, радост… и дај ми пари!
Пари дај ми - за да се задоволам...
...пари - за да те сакам.
Сакаш ли од дрво, и од камен, и од метал да те сечат, делкаат и леат?
Со твоето име од усните да колнат, поробуваат и ништат?
Тука ли си или нè напушти?
Се разочара ли од делата и од неделата и си створи нов мир
подалеку од овој?
<Константин Карев,
8 мај 2013>
