Бистри капки

Бистри капки

 

Спремни да се стркалаат по нагибот на листот

и да му тежат,

додека може да го издржи тоа слатко бреме,

пред да попушти,

да ѝ се поклони на Земјата

ослободувајќи ги;

за повторно да ги чека.

26.10.2014

Виножито

Виножито

И вискито е вистинито,

кога нема вино на менито,

плус, тоа ти е лековито,

со сирење мешовито.

Нека слушнат луѓето,

нека процени жирито,

дал е сè законито ил
противзаконито...

изразито.

Не доаѓам инкогнито,

говорам отворено, разборито,

објаснувам сликовито,

го раслојувам слоевитото,

ги ваѓам нештата на чисто:

И по Тито – мито!

И по Тито – партиско сито!

И по Тито – некому сè му е рамно и видовито
а некому ридовито и магловито!

И по Тито – Бенито!

И по Тито – бандито!

Рагаци! Субито!

Пепито, да ми ти каже чичо Вито:

– „Од тоа твое знаменито шеговито – духовито,

да не ми те касне лошо москито?

Да не ми те клоцне коњ со копито?

Да не ми те однесе комбито?„

Оти, не ми го знаеш табиетот, ниту хобито –

давење в кофа или в корито.

А над полето со жито –

виножито.

23.10.2014

Хихирику

Сакаа да го колат петлето,
а не знаеја на колку луѓе тоа им кажува
колку е саато
и дека воде паато.

 

Тоа јет

Некој јет зет,

некој поет,

а некој нишчо не јет –

само знајт да серет.

Некој јет зет,

некој        поет,

а некој нишчо не јет.