Опишувам ситуација доживеана во продавница за техничка стока во Гевгелија.
Продавницата е голема, припаѓа на голем ланец. Во смена се вработени двајца луѓе. Едниот е ангажиран покажувајќи нешто на пар купувачи длабоко во продавницата. Другиот разговара со мене.
Во продавницата влегува човек кој го привлекува вниманието расфрлајќи ги рацете во сите насоки, правејќи артистични гестови и викајќи на грчки: - Зборува ли некој на грчки!!!???
Никој не знае грчки. Човекот со гестови покажува дека сака да купи миксер. И вториот продавач и јас му пристапуваме, почнува забуна со пресметување на цените во евра. Гркот се прави недоветен, дури се расправа дека му е скапо - во Грција било поевтино. По некое време Гркот се врти и си оди.
Што точно се случи?
Претпоставкава ми дојде подоцна - по пат накај дома. Мислам дека Гркот немаше намера да купи нешто, туку намерно го ангажираше вниманието додека некој друг влегол незабележано во продавницата за да „пазари“ бесплатно.
Дали активноста на грчките чергари беше успешна - не можам да знам. Не знаат ниту продавачите со кои ги споделив моите претпоставки кога се вратив во продавницата, барем не знаеа во тоа време. Едниот кажа дека такви случаи имало.
Е па - нека внимаваат сите што можат да имаат работа со вакви чергари.
Внимание! Грчките чергари напаѓаат!
Се чувствувам исто како што се чувствував на касата во Кам маркет пред некоја година, кога касиерката и врати кусур на жента пред мене како таа да дала 1000 денари, а жената даде 500 денари. Жената по кратко двоумење го пикна кусурот в џеб и со итро-исплашена насмевка изчезна од продавницата додека јас се двоумев дали сум забележал правилно и дали да реагирам.
Се чувствувам исто како што се чувствував на касата во Кам маркет пред некоја година, кога касиерката и врати кусур на жента пред мене како таа да дала 1000 денари, а жената даде 500 денари. Жената по кратко двоумење го пикна кусурот в џеб и со итро-исплашена насмевка изчезна од продавницата додека јас се двоумев дали сум забележал правилно и дали да реагирам.
