Овчарот најдобар наш

Овчарот најдобар наш

Тој е овчарот најдобар наш -
наш еден и единствен спас.
А кога во стадо се движиме
похрабри нема од нас – овците.

Тој татко на народот е -
споменици прави за нас секаде.

И ако сум поет кој далеку е

тој мене ме сака, ме разбира сè.

На чело на партија е,
и може да игра со судбините.

Со  судскиот систем тој пријател е,

неуморно гради и мисли на сè.

Не го сака отпорот, знам,
го кажа тој тоа од мојот екран.
Тој добива плата од секој од нас

и става камата за секој наш глас.

Тој е овчарот најдобар наш -
наш еден и единствен спас.
А кога во стадо се движиме
похрабри нема,

порадосни нема,

посреќни нема,
позадоволни нема,

послободни нема од нас – овците.

<Константин Карев, 21 јуни 2013>