Заспаниот Валандовчанец

Тој мислеше дека мисли
додека береше калинки.
Кога се освести,
се чудеше:
– Зошто тоа
му се обраќаат со „Претседателе“?

Па реши да одлучи нешто,
да пресече нешто –
па си го пресече јазолот.
После повторно
се чудеше:
– Оти сега почнаа да го викаат Дебил?

Народецот македонски

Народот македонски

И тој што копа в контејнер,

и тој во најскап ресторан,

и крвав убиец и ѕвер,

и тој на лошо приморан,

најпаметен и најглуп,

и културен и мангуп,

и тој што краде пари,

провизии што ќари,

и тој што писма носи,

и голите и боси;

и голем патриот,

и предавник на род;

и тој што пцуе многу,

Ме слушаш? Демагогу!

Сето е народ ендемски,

народецот македонски.