Мојата чудесна земја

Мојата чудесна земја

Мермер што не е мермер,
туку малтер;
Министерка што не е министерка,
туку змија;
Премиер што не е Премиер,
туку измамник и крадец;

А сите тие вистини за Македонија
ни ги открива чесниот кој што не е чесен,
туку е уценувач кој бара по едно евро за себе
и по едно евро за „црквата„
за секој квадратен метар земја,
што ќе го украде
од парите на граѓаните.

Е навистина - Македонија е чудесна земја.

Уметност со заби

Уметност со заби

Имам пари што не сум ги заработил,

и што не сум ги потрошил,

на потребштини,

и на непотребштини,

за децата,

и за жената што ги немам.

Мора да сум надвор од нормалата –

ги трошам за создавање уметност со заби.

Не сум добар.

Је!

Је!

Ме фатије, леле ле,
ме фатије, мила мамо, странски служби,
мила мамо, странски служби.

Ми секоје, леле ле,
Ми секоје, мила мамо, и кредитите,
мила мамо, и кредитите.

Ми врзаје, леле ле,
ми врзаје, мила мамо, бели раци,
мила мамо, бели раци.

Ми зедоје, леле ле,
ми зедоје, мила мамо, и чифлиците,
мила мамо, и чифлиците.

Ме однесоје, леле ле,
ме однесоје, мила мамо, кај што Љубе беше,
мила мамо, кај што Љубе беше.

Вечерајте, леле ле,
Вечерајте. мила мамо, не чекајте ме.
мила мамо, не чекајте ме.

Од власт, мила мамо, сум се опило,

голем зулум, мила мамо, сум направило.

Сум лажало, мајко, сум крадело,

сега они барат правдината.