Разумен компромис со ѓаволот

Разумен компромис со ѓаволот

Украдени се XXX евра,

во противвредност од YYY денари.

За кражбата се обвинети лицето X.Y. и уште ZZZ неизвесни лица.

Обвинетиот, паричните средства ги употребил

за дрогирање на вистината,

и за купување на измислена, виртуелна реалност,

од познати произведувачи на лажен бурек

и од други професионални јадачи на трици.

Со виртуелна реалност го хранел дивиот национализам до прејадување.

Освен тоа X.Y. е обвинет и за силување

на малолетното лице Демократија Македонска.

(Лицето во моментот се води како исчезнато).

Сведоци тврдат дека Демократија била на неколку пати грубо погазена

од страна на X.Y. и во Законодавниот дом на Република Македонија,

како и надвор од него.

Според досегашните сознанија не може да се претпостави

дали X.Y. ги изврши инкриминираните дејствија свесно и со намера;

или во состојба на привремена или постојана намалена пресметливост.

Како соучесник на X.Y. се посочува лицето под кодно име „Заспаниот Валандовчанец„.

Се очекува лицето да се разбуди

и да даде разумно објаснување

за компромисот

што го има склучено со X.Y. и / или со ѓаволот.

26.01.2015

КоНСТаНТиН КаРеВ

(иМеТо и ПРеЗиМеТо се шифрирани -

за да се заштити идентитетот на авторот)

---

Извадок од Службен вескик, број 153, год. LXVII, 3 ноември 2011, четврток, Македонија, планета Земја