Изгубена врска

Изгубена врска

Каде работиш (роботиш)?

Работиш (роботиш) ли некаде?

(Робуваш ли некому?)
Тоа го прашува жената мажот,

кога се среќаваат кај чешмите,

за да си ја измијат згурата

од очите,

после ноќен сон.

Човек,
колку гордо

и грдо

тоа звучи!?

Човекот е најнапредно животно.
Тој има свест и совест.
Тој има непропорционално голема глава
и 97 проценти неискористен мозок во неа.

Сепак,

човекот владее со животите

на сите животни;

и со судбината

на материјата, творбата, Богот, Боговите...
како и да е...

што го создадоа.

Но,

колку ли е голема иронијата

што животни со два грама мозок

се разбираат подобро од луѓето?

Крикот на павијанот

за опасност;
движењето на пчелата;

допирот на антените на мравките;
пренесуваат поточна информација

отколку артикулираниот звук

и насочениот поглед

на приматот

наречен

човек.

06.08.2016