Мала смрт
Ми го бараат гласот,
ме убедуваат и ме лажат,
ми ветуваат голем живот –
гори и планини,
замисливи и незамисливи богатства.
Ми ја земаат распарчената душа
и растечениот мозок
и ми даваат мала смрт.
Јас безгласен, обезгласен, прегласан и надгласан
не треба да живеам,
барем не во овој мандат.
А „мала смрт“ е смртта на малиот човек,
којшто никому, ништо не му значел;
или „мала смрт“ е умирање на мал дел од животот,
неповратно и конзекутивно,
нешто што води кон негово целосно изумирање?
<Константин Карев, 21 јули 2013>
No comments:
Post a Comment